Eto na Naman....Paulit ulit lang!

Nadaan ako sa Espana kanina at sa Quiapo galing sa Vito Cruz papunta kame ng anak ko sa Trinoma. Sa Bandang Espanya matatanaw ko ang FEU. Pagkatapos nadaanan ko ang Quiapo. May lugar dun na hindi ko na matandaan kung saan doon ginanap minsan ang Christmas party ng aking asawa at unang sama ko din sa kanya noon. Nadaanan ko na naman ang mga ito! Bakit kaya ganun? Kung saan may mga hindi magandang nangyari sa buhay mo paulit ulit pa nitong pinapaalala sayu ang sakit. Nakalimutan ko na siya pero sa tuwing nadadaanan ko ito pakiramdam ko ramdam ko ulit ang sakit! Parehas na parehas kung paanu ko siya naramdaman noon....ganun din ang nararamdaman ko sa tuwing nasisilayan ko ang mga lugar na ito.
Hangang ngayun na isinusulat ko na ito! Ramdam ko ang sakit ng nakaraan. Ilang oras na din ang nakakaraan nung nadaanan ko ito. Pag dating sa Trinoma nakalimutan ko na nga ito. Bakit pag uwi ay may kirot pang dumampi sa puso ko? Kaya eto isinusulat ko na lamang baka sakaling maibsan ang pagbabalik tanaw ng aking puso't isipan.
Ang sakit kasi! Alam ko matagal na pero paulit ulit na naaalala ko ang pangyayareng yun. Bakit ganun? Kapag ang masasaya ang naaalala ko saglit lang nagbabalik tanaw sa isip at puso ko, pero kapag masakit siya halos ilang araw bago ko na naman siya makalimutan? Hays ang hirap! Ang sakit! Sana di ko na ulit maranasan yun...sana sa alaala nalang...hindi ko na kakayanin pa madagdagan ang mga massakit na napagdaanan ko.